ABA BOUJWA PEZE SOUSE E ANTI CHANJMAN…

Pote chanjman nan yon peyi tankou Ayiti kote *boujwa peze souse* se sèl mèt e senyè ki pa vle wè devlopman ak chanjman, li pa fasil menm pou moun ki vle chanje sa tout bon vre a. Olye boujwa sa yo pote kontribisyon yo, met men ak moun ki vle chanje a, yo pito konplote pou chanjman ak devlopman pa fèt. Yo bay pèp enpresyon ke se pòtè chanjman an ki pa bon.

Jounen jodia men nan kisa *Prezidan Jovenel* pran.

*Prezidan Jovenel* ki soti nan mitan pèp, ki konn mizè ak soufrans pèp, fè chwa kan pèp, fè chwa poul travay nan enterè pèp; ebyen nèg sa yo ki pa vlè wè moun kap travay pou pèp, yo rann peyi a envivab nan men *Prezidan Jovenel* pou yo ka montre pèp la se *Prezidan Jovenel* ki sous pwoblèm yo, ki sous mizè a pandansetan mizè a se lakay nèg sa yo li pwodwi, se yo ki fabrikel.

Daprè nou, nou panse se *Prezidan Jovenel* ki pa bon? Non! Non! Non! Se nèg ki gen lajan yo ki kreye kondisyon nou wè la paske yo bezwen pou nou revolte. Ebyen yo pap 6 nan 12 la.

Nèg sa yo tèlman mechan, pou anpeche reyosman agrikilti a, pou bare kouran 24/24 la, yo pwofite de prekarite kronik ki genyen nan peyi a, de vilnerabilite pèp la pou kreye twoub ki lakoz jodia nap peye konsekans lan. Yo aranje yo yo fè goud la pa gen valè devan dola a, yo konfiske tout dola nan bay enpresyon pa gen dola pandansetan pifò tranzaksyon kap fèt se an dola, touris pa ka rantre nan peyi a, lavi a vin pichè, manman ak papa pitit se rèl.

Pèp ayisyen pa mèt nan tèt nou lè yap nonmen non nou se de nou yap pale vre. Yap nonmen non nou epi yap fèn grimas. Moun sa yo se nan mizè nou yo fè milyon yo. Sitiyasyon nap viv la bon pou yo mwen di nou ankò. Chanjman sitiyasyon nou pap bon pou yo, se pou tèt sa yo fin dechennen konsa. Yo pa vle wè lavi nou chanje. Yo prefe itilize nou tankou papye ijyenik, tankou twal kay.

Pèp aysiyen depi nou wè nèg rich nan yon peyi leve kont yon prezidan e sitou Ayiti nou mèt konnen prezidan an pa nan enterè yo, e sil pa nan enterè yo li nan enterè nou.

Jodia li lè, li tan pou n sispann rasanble dèyè moun kap bloke chanjman kondisyon lavi nou men pito ann rasanble dèyè pòtè chanjman an.

*Re. J. KOZPEP*

Répondre

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s