DEMISYON JOVENEL DEPANN BLAN MERIKEN AK KLAS EKONOMIK LAN

Gen 2 sekte ki kenbe prezidan Jovenel Moïse sou pouvwa se : gouvennman meriken epi klas ekonomik lan.

Ou deklare w lan opozisyon politik ou enstitisyonel paske w bezwen fose jovenel demisyone pou enkapab ak enkonpetan. Pandansetan wap pran kob lanmen neg klas ekonomik yo ki pwofite lan sistem peze souse a pou w pwoteje biznis yo. Menm yon vit poko kraze pandan mouvman popile a. Eske nou pran konsyans se demagoji kap fet pou mete men lan gagann revandikasyon lit pep la.

Wap plede kraze vit machin ti malere parey ou, wap plede boule ti boutik yo san anyen pap regle. Moun ki lan sekte ekonomik lan poko janm fe presyon pou ankouraje Jovenel Moïse demisyone pou pos prezidan an. Tout ti malere ap manifeste chak jou san yon boutey dlo e yo semante fok prezidan an rache mannyok pou peyi a debloke. Ebyen pou kisa wap boule ti boutik moun kap bouske lavi yo , wap volè telefonn yo ak lot bagay yo lè nap fe manifestasyon. Se pa yo ki kenbe jiska prezan jovenel sou pouvwa a.

Kite biznis gwo nèg sa yo atake pouw we si demen maten jovenel pap demisyone sou pouvwa a. Se pou sekte opozisyon an al kriye kote kadav la ye a.

Se moun klas ekonomik sa yo ki mete nou tout kalamitesa nou ye la. Fose jovenel demisyone nenpot lot ki vini depi moun sa yo la nap toujou rete lan menm katwoubonbe sa nou ye la. Se pa biznis moun kap brase lavi kom ti malere ki pran ponya labank kap degaje yo bat dlo pou fé be pouw kraze.

Se Boulos ak lot gran neg ki genyen monopol elatrye se yo ki te mete jovenel sou pouvwa. Se yo menm ki kenbe l la toujou paske byen yo pa gen anyen jiska prezan. Yo distribye lajan bay neg ki lan sekte opozisyon an pou ankouraje manifestasyon ak blokaj lari a epi bisnis yo pwoteje ak sekirite.

Sispann fe pov malere ap soufri epi yo pa kapab soti lan lari à pou al regle zafe yo komsa dwa. Chache atake gwo nèg yo, sispann chita nan reyinyon ak patron kap finanse peyi lock pou regle zafe pesonel yo epi tou chita ap ranse lan radio ak télévision pandan n ap kontinye pwoteje entere yo.

Le yon manifestan boule kawoutchou eske se mas pep la ki pa kapab respire li ou fe anpil moun pa kapab fonksyone. Se pa Boulos ni Bidjo ni Mez e Brandt ki soufri e ni sibi konsekans lan sou sante yo.

Nou pa konn poukisa se pa devan anbasad meriken pou n al boule kawoutchou anpeche yo fonksyone sin gen grenn lan bouda nou. Si nou pa pè pou viza n pa revoke ou pitit nou ki lot bodlo se pi rapid gouvennman meriken ap deside pran yon desizyon lave Jovenel pou enkapab.

Bann mechan sispann pran kob lan men boujwa pou pwoteje biznis yo épi nou anpeche malere parey nou al kwabosal pou al chache lavi. Toutotan biznis boujwa yo pa gen anyen epi lavi yo pa menase ebyen lari à met kontinye lock se pa mele yo. Se malere ki pap kapab viv ni voye pitit yo lekol.

Konsekans peyi lock la se lan degwann moun ki pov li ye. Aprè yon mwa blokaj manifestasyon kraze brize bral genyen anpil pwodwi ki manke e pri yo ap vin ogmante pi che, problèm gaz pou transpo e anplwaye pap kapab touche akoz aktivite ekonomik yo ki paralize. Lajan meriken pral vann tet neg e touris pap rantre pou pote deviz.

Akte opozisyon yo genyen lajan pou reziste lontan pou fose Jovenel demisyone. Nou rete kwe pep sa ap fini pa konprann pa genyen okenn magouye ki te swete chanje sistem peze souse sa e yo te chache rekipere mouvman mas la pou yo te dirije li lan sans entere patron yo, zanmitay ak poch yo.

Publicités

Répondre

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s