ETENEL DYALOG PREZIDAN JOVENEL SAN VERITAB REZILTA …

Par : Junior Milfort

MENM SI RAPÈL YO FÈ GEN PLENYEN, NOU OBLIJE FÈ YO !

I — Lè Jovenel Moïse fin pran ofisyèlman rèn Pouvwa jou ki te 7 fevriye 2017 la, opinyon piblik la te rete kwè ke Peyi ya ta pral genyen yon Gouvènman byen vit. Paske, jan slogan Kanpay la te di ya, Pèp la te vote Bannann nan ak tout Pòpòtabannann nan.

Byen konte, mal kalkile. Prezidan Jovenel te pran yon bon tan anvan li te nome Medsen prive’l, Guy Lafontant kòm Premye Minis.

Eksplikasyon ke Prezidan te bay Popilasyon an sou reta ki te genyen pou nominasyon Premye Minis lan, se te Dyalòg li tap fè.

II — Yon fwa Gouvènman Guy Lafontant fini enstale, Prezidan Jovenel kreye yon Komisyon pou dezyèm Dyalòg la ke li te batize: « États Généraux Sectoriels de la Nation ».

Ak Dyalòg sa, plizyè dizèn milyon goud depanse.

III — Anvan Prezidan Jovenel nome notè prive li, Jean Henri Céant kòm Premye Minis, li pran ankò yon pakèt tan ap fè Dyalòg.

IV — Lè Pèp la fin fè plizyè fwape pye kont Pouvwa, nan yon Mesaj ke Prezidan Jovenel te adrese bay Nasyon an, li bay Chèf Gouvènman yon Kat blan pou òganize Dyalòg.

V — Pandan Jean Henri Céant ap fè Dyalòg, Prezidan Jovenel Moïse nome 2 lòt zanmi li anba chal, Gabriel Fortuné ak Josué Pierre Louis pou òganize 2 lòt Dyalòg paralèlman.

VI — Lè Premye Minis Céant fin tonbe, Prezidan Jovenel pran yon pakèt tan ankò ap fè Dyalòg anvan li nome Jean Michel LAPIN kòm Premye Minis.

VII — Menm moman Prezidan tap fè Dyalòg la pou nome Lapin, li te gen tan bay Ketelie Julien Manda nan tèt yon Komisyon pou òganize Dyalòg.

VIII — Lapin nan difikilte pou li prezante Politik Jeneral li nan Palman, Prezidan Jovenel pran yon pakèt tan ap fè Dyalòg anvan li nome Fritz William kòm Premye Minis.

IX — Fritz William nan difikilte pou prezante Politik Jeneral li yan nan Sena Repiblik la. Prezidan Jovenel Moïse pwofite okazyon an pou tou fòme yon Komisyon ak 7 pèsonalite pou vin òganize yon Dyalòg.

Remak: Jis kounye ya, Prezidan Jovenel pa di Nasyon an anyen sou, èske Komisyon Ketelie Julien an kraze ou pa.

Junior MILFORT,

Ansyen Prezidan

Asosiyasyon ASEK Nò

Répondre

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s